პროექტის განაცხადი

                                 პროექტის  განაცხადი

თემა	,,სად როგორ მოვიქცეთ’’
პროექტის ხელმძღვანელი	ლ.ქიტოშვილი
პროექტში მონაწილენი	Iა კლასის მოსწავლეები, მათი მშობლები
დასაწყისი	21.01.2013.
დასასრული	27.02.2013.
ბიუჯეტი	საკანცელარიო ხარჯები(ფორმატის ქაღალდი, თაბახის ფურცლები, ფლომასტერები, მარკერები,წებო)-სულ 5 ლარი ოპერატორის ხარჯები-5 ლარი
რესურსები	ბუქი, პროექტორი;  აკაკი გელოვანის ,,ცოტა რამ ქცევის კულტურაზე“,  ი.ორლიკის ,,როგორ უნდა მოვიქცეთ“,  იან კამიჩეკის ,,ყოველდღიური ზრდილობა“,  ნ.გორდიენკოს ,,ზრდილობიანი ადამიანის მანერების შესახებ“.
პრობლემის განსაზღვრა და მისი აქტუალობის დასაბუთება	ადამიანის შინაგანი სამყაროს გარეგნული გამომხატველია ქცევის კულტურა, ადამიანებთან ურთიერთობის უნარი. თავაზიანი მანერების შესწავლა ყველა დროში აქტუალურია, მაგრამ რაც უფრო ადრეულ ასაკში დაიწყებენ მოსწავლეები ზრდილობის წესების შეთვისებას, მით უფრო სწრაფად გამოიმუშავებენ კარგ მანერებს. კარგად აღზრდილ, კულტურულ ადამიანებად ისინი ჩამოყალიბდებიან მაშინ, როცა ეცოდინებათ, სად როგორ მოიქცნენ.
მიზანი	საკუთარ და სხვა ადამიანთა სასურველ და არასასურველ ქცევებზე  მსჯელობით, ანდაზების, სხვადასხვა ლიტერატურული ნაწარმოების ანალიზის საფუძველზე მოსწავლეები შეისწავლიან ზრდილობის წესებს, როლური თამაშით გაითავისებენ თავაზიანი ქცევის ნორმებს, დაიხვეწება მათი მანერები და გაუმჯობესდება  ურთიერთობა გარშემომყოფებთან.
განსახორციელე ბელი ამოცანები	I  კვირა პროექტინიციატივის განხილვა მოსწავლეებთან  და მშობლებთან, პროექტის გეგმის შედგენა, ამოცანების განაწილება. მოსწავლეები შეასრულებენ ნახატებს თემაზე; ,,როგორ ვიქცევი შინ თუ გარეთ’’. დისკუსია თემაზე: ,,რა არის კარგი და რა არის ცუდი“.-(ინდივიდუალურად გააკეთებენ ჩანაწერებს, სადაც გამიჯნავენ საკუთარ სასურველ და არასასურველ ქცევას. მოსწავლეთა ჩანაწერების საფუძველზე კედლის გაზეთის შექმნა სათაურით- ,,კარგი ჩვენც მოგვეწონება, ცუდი არც თავის დედასა!“ ზრდილობის ელემენტარული წესების გაცნობა სლაიდშოუს  საშუალებით. II –III  კვირა მოსწავლეები მშობლების დახმარებით მოიძიებენ და შეისწავლიან ლექსებს, მოთხრობებს ან ზღაპრებს, რომლებიც გვასწავლის, სად როგორ მოვიქცეთ. შეისწავლიან ანდაზებს, რომლებიც კარგ ქცევასთან, ზრდილობასთან არის დაკავშირებული. მოიძიებენ და დაისწავლიან  ,,ჯადოსნურ“( თავაზიანობის გამომხატველ) სიტყვებს.       IV  კვირა მოსწავლეები ჯგუფებად იმუშავებენ  სხვადასხვა ლიტერატურული  ნაწარმოების ინსცენირებაზე: პარმენ ცახელის ,,შალვას თავგადასავალი“, რაფიელ ერისთავის ,,ჯერ შრომა, მერე ხტომა“,  რევაზ ლორიას ,,ზარმაცი“, იაკობ გოგებაშვილის ,, სიკეთე ბოროტისათვის“. V კვირა პროექტის შედეგების პრეზენტაცია- დასკვნითი ღონისძიება.
მოსალოდნელი შედეგები	მოსწავლეებს განუვითარდებათ ინფორმაციის მოძიების, დისკუსიის, თვითშეფასების, შემოქმედებითი და საპრეზენტაციო უნარები.დისკუსიით, კონკრეტულ სიტუაციაში ჩაყენებით,როლური თამაშით  მოსწავლეები უკეთ ჩაწვდებიან და გაითავისებენ ზრდილობის წესებს, შეისწავლიან ,,ჯადოსნურ“ სიტყვებს, დაიხვეწება მათი მანერები და გაუმჯობესდება გარშემომყოფებთან ურთიერთობა.
თვითშეფასება და შეფასება მონიტორინგის ჯგუფი: ა.იმერლიშვილი ლ.ბაცანაძე	პროექტი აქტუალურია, მორგებულია მოსწავლეებში არსებულ პრობლემასთან, რეალურ საჭიროებებთან. პროექტი გამდიდრებულია ისტ-ით, ჯგუფური მუშაობის აქტივობებით. მოსწავლეებმა ასაკის შესაბამისად შეისწავლეს ზრდილობის წესები, შემცირდა არასასურველი ქცევის შემთხვევები, გაუმჯობესდა მათი თვითშეფასება და მანერები.